Brazılııanyń ońtústiginde tolassyz jaýǵan jańbyr saldarynan on adam qaza tapty
ASTANA. KAZINFORM – Brazılııanyń ońtústigindegi Rıý-Grandı-dý-Sýl shtatynda nóser jaýyn saldarynan on adam qaza taýyp, 21 adam iz-túzsiz joǵalyp ketti. Úkimet jaǵdaıdyń qıyn ekenin jáne odan saıyn ýshyǵýy múmkin ekenin eskertedi, dep jazady Reuters.
Shtat gýbernatory Edýardo Leıte prezıdent Lýıs Inasıo Lýla da Sılvaǵa federaldy kómekti surap hat jazǵanyn aıtty.
«Biz Rıo-Grandı-dý-Sýldaǵy eń aýyr sátti, tarıhymyzdaǵy eń aýyr apatty bastan ótkerip jatyrmyz», - dedi E.Leıte.
Gýbernatordyń aıtýynsha, kópirler qulap, joldar jabylyp, sý tasqyny men kóshkinnen keıin birneshe qala oqshaýlanyp qaldy.
Leıte aptanyń sońyna deıin búkil shtat boıynsha sabaqtardy toqtata turý qajettigi týraly jarııalady jáne ol qarýly kúshterden tolyq qoldaý suraǵanyn atap ótti.
3400-den astam adam qatty jańbyrdyń saldarynan qonys aýdardy, bul shtattyń ár túkpirinde ózen deńgeıiniń kóterilýine jáne sý tasqynyna ákelip soqtyrdy, bul 114 mýnıtsıpalıtetke áser etti.
