Brazılııanyń ońtústiginde nóser jaýyn saldarynan qaza tapqandar sany 56-ǵa jetti
ASTANA. KAZINFORM – Brazılııanyń ońtústigindegi Rıý-Grandı-dý-Sýl shtatynda nóser jaýyn saldarynan qaza tapqandar sany 56 adamǵa jetti, 67 adam iz-túzsiz joǵalyp ketti, 32,9 myń adam evakýatsııalandy, keminde 356 myń adam jaryqsyz qaldy.
Bul týraly senbi kúni Brazılııanyń azamattyq qorǵanys agenttigi habarlady, dep jazady Sınhýa.
Agenttiktiń habarlaýynsha, shtatta bir aptaǵa jýyq ýaqytqa sozylǵan tolassyz jańbyr osy ýaqytqa deıin 281 mýnıtsıpalıtetke áser etip, ózender arnasynan asyp, shtat astanasy Portý-Alegrı tolyǵymen derlik sý astynda qaldy.
«Bul sandar kúrt ózgerýi múmkin», - dedi shtat gýbernatory Edýardý Leıte.
Brazılııa prezıdenti Lýıs Inasıý Lýla da Sılva tehnıkalyq jáne qarjylyq kómek kórsetý úshin Portý-Alegrıde tótenshe jaǵdaı keńsesin ashýǵa buıryq berdi. Juma kúni tańerteń ulttyq kúshterdiń 100 múshesi, elıtalyq polıtsııa kúshteri qutqarý operatsııasyna kómektesýge jiberildi.
Rıý-Grandı-dý-Sýl - Ońtústik Amerıkanyń ortaq naryǵynyń qurlyqtaǵy kólik baǵyttarynyń negizgi núktesi jáne Brazılııadaǵy kúrish, soıa jáne et óndirýshileriniń biri.
Osyǵan deıin Brazılııanyń ońtústiginde tolassyz jaýǵan jańbyr saldarynan on adam qaza tapqanyn jazdyq.
