Brazılııanyń eks-prezıdenti Bolsonarý 27 jylǵa sottaldy

ASTANA. KAZINFORM – Búgin Brazılııanyń eks-prezıdenti Jaır Bolsonarý 27 jylǵa bas bostandyǵynan aıyryldy, dep habarlaıdy VVS.

Brazılııanyń Joǵarǵy sotyndaǵy sýdıalar alqasy Bolsonarýdy 2022 jylǵy saılaýda jeńilgennen keıin áskerı tóńkeris jasaýǵa áreket etti dep tanyǵannan keıin kóp uzamaı úkim shyǵardy. 

Bolsonarýdyń advokattary úkimdi «absýrdtyq deńgeıde» dep atap, «halyqaralyq deńgeıde» shaǵymdanýǵa ýáde berdi.

Joǵarǵy Sottyń bes sýdıasynyń tórteýi 70 jastaǵy Bolsonarýdy 2022 jylǵy saılaýda solshyl qarsylasy Lýıs Inasıo Lýla da Sılvadan jeńilip qalǵannan keıin óz bıligin saqtap qalý úshin qastandyq jasaýǵa árekettendi dep aıyptady. Sýdıalar eks-prezıdent áskerden jetkilikti qoldaý ala almaǵanymen, onyń áreketi Bolsonarý jaqtastarynyń 2023 jyldyń 8 qańtarynda úkimettik ǵımarattarǵa basyp kirýimen aıaqtalǵanyn aıtty. 

Sýdıalardyń biri Bolsonarýdy aqtady. Biraq eks-prezıdenttiń isine baǵa berý úshin kópshiliktiń daýysy jetkilikti boldy. 

Eske sala keteıik, sot Bolsonarýdy bılikti basyp almaq boldy dep aıyptady.