Brazılııanyń burynǵy prezıdenti túrmedegi 27 jyldyq jazasyn óteı bastady

ASTANA. KAZINFORM – Brazılııanyń Joǵarǵy soty burynǵy prezıdent Jaır Bolsonarýǵa memlekettik tóńkeris jasaý isi boıynsha túrme jazasyn óteýdi buıyrdy, dep habarlaıdy BBC.

27 jyl úsh aıǵa bas bostandyǵynan aıyrylǵan Bolsonarý jazasyn el astanasy Brazılıadaǵy Federaldyq polıtsııa shtab-páteriniń aýmaǵynda óteıdi, ol munda ótken aptada jetkizilgen. 70 jastaǵy Bolsonarý teledıdar, shaǵyn tońazytqysh jáne kondıtsıonermen jabdyqtalǵan 12 sharshy metrlik shaǵyn kamerada ustalady.

Buǵan deıin Joǵarǵy Sot onyń sottalýyna qarsy shaǵymdy qanaǵattandyrmaı, úkimdi sońǵy dep tapqan bolatyn.

Eske sala ketsek, qyrkúıekte Brazılııanyń Joǵarǵy sotyndaǵy sýdıalar alqasy Bolsonarýdy 2022 jylǵy saılaýda jeńilgennen keıin áskerı tóńkeris jasaýǵa áreket etti dep tanyǵannan soń kóp uzamaı úkim shyǵardy. 

Brazılııanyń burynǵy prezıdenti (2019–2022) Jaır Bolsonarý memlekettik tóńkeriske qatysty is boıynsha 27 jylǵa sottalyp, bul sheshimge apellıatsııa berip, úıqamaqta bolǵan kezinde ustaldy. 

Osydan buryn Jaır Bolsonarýǵa teriniń qaterli isigi dıagnozy qoıylǵany anyqtaldy.