Brazılııanyń burynǵy prezıdenti Bolsonarý jansaqtaý bólimine tústi
ASTANA. KAZINFORM – Túrmede jazasyn ótep jatqan Brazılııanyń burynǵy prezıdenti Jaır Bolsonarý pnevmonııaǵa baılanysty Brazılııa aýrýhanasynyń jansaqtaý bólimine aýystyryldy, dep habarlaıdy Kazinform Euronews arnasyna silteme jasap.
Bolsonarýda joǵary temperatýra, qandaǵy ottegi deńgeıiniń tómendeýi, terleý jáne qaltyraý belgileri baıqaldy. Medıtsınalyq tekserýlerden keıin aspıratsııalyq bronhopnevmonııa dıagnozy qoıyldy.
Brazılııanyń burynǵy prezıdentiniń dárigerleriniń biri Brazıl Kaıadonyń aıtýynsha, 70 jastan asqan naýqastarda pnevmonııa aýyr ótedi, sebebi ol sepsıske aınalýy múmkin. Bul jaǵdaıda bakterııalar qanǵa ótip, jaǵdaıdy odan ári qıyndatady.
Estão colocando a vida de @jairbolsonaro em risco de propósito. Não existe mais justificativa para que não cumpram a lei e coloquem Bolsonaro em prisão humanitária pic.twitter.com/dcGrKxRKNw
— Flávio Bolsonaro (@FlavioBolsonaro) March 13, 2026
Bolsonarýdyń uly áleýmettik jelide ákesiniń qaltyraý jáne qusý belgilerimen oıanǵannan keıin túrmeden aýrýhanaǵa aýystyrylǵanyn habarlady. Ol jaǵdaıdyń turaqtanýyn jáne mańyzdy asqynýlardyń bolmaýyn tiledi.
– Bári jaqsy bolyp, mańyzdy eshteńe bolmaýyn tileńizder, - dep jazdy Flavıo Bolsonarý.
Burynǵy prezıdenttiń kardıology emdeý kóktamyr ishine engiziletin dári-dármekter arqyly júrgizilip jatqandyqtan, Bolsonardyń jaqyn arada túrmege qaıtýy múmkin emestigin aıtty. Bul aqparatty Associated Press agenttigi rastady.
Estão colocando a vida de @jairbolsonaro em risco de propósito. Não existe mais justificativa para que não cumpram a lei e coloquem Bolsonaro em prisão humanitária pic.twitter.com/dcGrKxRKNw
— Flávio Bolsonaro (@FlavioBolsonaro) March 13, 2026
Bolsonarýdyń otbasy onyń túrmede medıtsınalyq kómek jetkiliksizdigin jáne qatygezdikke ushyraýyn aıtyp, jazasyn úı qamaýynda óteý týraly Joǵarǵy Sottan ruqsat alý úshin ótinish berip otyr. Alaıda sot bul ótinishti qashyp ketý qaýpi bar degen negizde qabyldamady. Qańtar aıynda burynǵy prezıdentti úlken kameraǵa aýystyrý týraly sheshim qabyldandy.
Bolsonarýdyń úlken uly áleýmettik jelide ákesiniń densaýlyǵyna baılanysty gýmanıtarlyq sebeptermen qamaý rejımin ózgertý qajettigin aıtyp, onyń ómirine qaýip tónip turǵanyn málimdedi.
Flavıo Bolsonarýdyń jaqynda prezıdenttikke úmitker retinde tirkelgeni habarlandy. Sońǵy saýalnamalar boıynsha, ol qazirgi prezıdent Lýıs Inasıo Lýla da Sılvamen tanymaldyq jaǵynan básekeles jaǵdaıynda tur.
Buǵan deıin Brazılııanyń eks-prezıdenti Bolsonarýdyń ustalǵanyn jazǵan edik.
Bolsonarýdy bas bostandyǵynan aıyrý merzimi 27 jyldan eki jylǵa deıin qysqarýy múmkin.
Sondaı-aq Bolsonarýdyń Brazılııadaǵy prezıdent saılaýynda ulynyń kandıdatýrasyn qoldaǵanyn habarlaǵanbyz.
