Brazılııalyq Zıko FIFA basshysynyń ornyna talaspaq
ASTANA. QazAqparat - Brazılııanyń tanymal fýtbolshysy Zıko Halyqaralyq fýtbol federatsııasynyń (FIFA) basshysy qyzmeti úshin talaspaq.
Osyndaı sheshimdi ol FIFA-nyń qazirgi basshysy Zepp Blatterdiń otstavkaǵa ketýi týraly estigennen keıin qabyldaǵan.
Qazirgi kezde Goa úndistandyq fýtbol klýbyn jattyqtyryp júrgen 62 jastaǵy Zıko «Feısbýktegi» jeke paraqshasynda osyndaı múmkindikten bas tartý sebepterin kórip turmaǵanyn jazdy.
«Nege tyrysyp kórmeske. Meniń búkil ómirim fýtbolmen baılanysty. Brazılııada da, ózim bolǵan basqa elderde de fýtbolǵa qashanda qurmetpen qaradym», - dep jazdy ol, ázirge bul ıdeıa týraly oılanyp júrgenin atap ótip.
Zıko Brazılııanyń eń tanymal klýby «Flamenkonyń» úzdik sportshysy. Ol álemniń úsh chempıonatyna qatysqan. 1990 jyldary Brazılııanyń sport mınıstri qyzmetin atqardy.
