Brazılııalyq jýrnalısti tikeleı efır kezinde atyp ketti
ASTANA. QazAqparat - Brazılııalyq Radio Liberdade FM radıo stansasynyń stýdııasynda jantúrshigerlik oqıǵa oryn aldy.
Dıktor Gleıdson Karvalıý stýdııada baǵdarlamany júrgize bastaǵan mezette belgisiz eki adam basa-kókteı kirip kelip, ony atyp ketti. Júrgizýshi oqıǵa ornynda jan tapsyrdy. Qaskúnemder boı tasalady.
Qazirgi ýaqytta qylmyskerler izdestirilýde. Ony nelikten óltirgeni ázirge belgisiz. Jergilikti BAQ nusqasy boıynsha, jýrnalısti kásibı qyzmetine qatysty óltirýi de múmkin: Gleıdson Karvalıý óz baǵdarlamasynda saıası ortadaǵy para alýǵa qatysty materıaldardy berip otyrǵan.
Oǵan qorqytyp, balaǵattaǵan hattar da jıi keletin.
