Brazılııalyq stýdentter fýtboldan álem chempıonatynyń resmı dobyn stratosferaǵa ushyrdy
ASTANA. QazAqparat - Osy kúnderi Brazılııada bar oqıǵa fýtboldan álem chempıonatynyń aınalasynda órbýde. Onyń bastalýyna bir apta ǵana ýaqyt qaldy. El astanasyndaǵy Brazılıa ýnıversıtetiniń stýdentteri «taza ǵylymı qyzyǵýshylyqpen» týrnırdiń resmı doby - «Brazýkany» stratosferaǵa ushyrdy, dep habarlady ITAR-TASS.
Ol úshin ishine az ǵana aýa toltyrylǵan dopty arnaıy bıik zondqa baılaǵan. Beınekameranyń jáne GPS jerseriktik navıgatsııa quralynyń kómegimen «Brazýka» 28 shaqyrym bıiktikke deıin kóterilgeni anyqtalyp, túsirilip alyndy. Osylaısha, ÁCh resmı dobynyń sapaly materıaldardan jasalǵany dáleldendi. Ábden úrlengen dop stratosferada 6 saǵat boıy bolyp, saǵatyna 100 shaqyrymǵa deıingi jyldamdyqpen soqqan jel men nólden tómen 37 gradýs temperatýraǵa da tózdi. Jerge túsken «Brazýka» órt sóndirýshilerdiń kómegimen tabyldy. Aıta keteıik, fýtboldan álem birinshiligi 12 maýsym kúni bastalady.
