Brazılııalyq mıllıarder baılyǵynyń 99 paıyzyn joǵaltty
ASTANA. 31 shilde. QazAqparat - Brazılııanyń ónerkásip magnaty Eıke Batısta baılyǵynyń túgelge derliginen aıyrylyp, is júzinde mıllıarder mártebesin joǵaltty,
dep jazady Halyqtyq IPO baǵdarlamasynyń resmı saıty.
vestifinance.ru habarlaǵanyndaı, 2012 jyly Batıstanyń dáýleti 34,5 mlrd. dollarǵa baǵalanyp, Brazılııanyń eń baı adamy atandy ári Forbes jáne Bloomberg Billionaire Index tiziminde jetinshi orynda turdy. Alaıda 2013 jyldyń shildesinde Bloomberg Billionaire Index brazılııalyqtyń dáýletin 200 mln. dollarǵa baǵalady.
Batısta 1983 jyly EBX kompanııasynyń negizin qalady. 2000 jyldardyń basynda ol bıznesin keńeıtti, sóıtip EBX-tiń MMX (metallýrgııa), MPX (energetıka), LLX (logıstıka), OGX (munaı), OSX (asa aýyr konteıner tasýshylardyń qurylysy) jáne basqa da enshiles kompanııalary quryldy. Odan keıin kompanııa aktsııalary qor naryǵyna asa sátsiz ýaqytta ornalastyryldy. Sarapshylardyń kópshiligi bul qadamdy qaterli dep atady. Brazılııadaǵy jáne álemdegi makroekonomıkalyq jaǵdaıdyń nasharlaýyna, sondaı-aq shıkizat baǵasynyń tómendeýine ári ınvestorlardyń damýshy naryqtan jappaı ketýine baılanysty, Batıstanyń kompanııasy bankrottyqtyń sheginde turdy.
Investorlardyń Batısta kompanııasynyń aktsııalarynan kóńili qaldy, óıtkeni bıznes dittegen kórsetkishterine qol jetkize almady. Nátıjesinde EBX tobyndaǵy kompanııalar kapıtalynan da, senimnen de aıyryldy, oǵan qosa mıllıardtaǵan dollar qaryz aldy. Al Batısta bolsa, jýyrda álemdegi eń dáýletti adam bolatynyn aıtqan edi. Keıbireýler Batıstanyń kúıreýin 2000 jyldyń basyndaǵy jaǵdaımen salystyrady. Ol kezde japon Masaesı Son joǵary tehnologııalyq sektor quldyrap jatqan kezde, túrli baǵalaýlar boıynsha ártúrli kompanııalarda ınvestıtsııa túrinde 70 mlrd. dollarǵa jýyq qarjysyn joǵaltty. Alaıda Son bul soqqyǵa tóze aldy, búginde eń baı úsh japonnyń biri. Qazirgi tańda onyń baılyǵy - 9,1 mlrd. dollar. Alaıda kópshilik brazılııalyq alpaýyttyń osynshama shyǵynnan keıin es jııa alatynyna kúmánmen qaraıdy.
