Brazılııalyq qalanyń meri turǵyndaryn aqyrzamanǵa daıyndaýda
ASTANA. 16 naýryz. QazAqparat - Brazılııalyq San-Fransıský-dı-Paýla qalasynyń meri Desıý Kolla qala turǵyndaryn ejelgi maııalyqtardyń kúntizbesi boıynsha bıylǵy jeltoqsanda keletin zamanaqyrǵa daıyndap jatyr, dep habarlaıdy RIA "Novostı".
Ejelgi úndisterdiń kúntizbesi boıynsha 2012 jyldyń 21 jeltoqsanynda bizdiń zamanymyzǵa deıingi 3114 jyly bastalǵan Besinshi Kún Dáýiri aıaqtalady-mys. Óıtkeni kúntizbe dál osy kúnge kelip toqtaǵan. Sondyqtan baıbalamshyldar men yrym-jyrymǵa sengishter osy kúndi aqyrzamanǵa balaýda.
Qalabasy Desıý Kolla bul sáýegeılikke shyndap senedi. Onymen qoımaı, óziniń qalasy aqyrzamanda taptyrmas pana bolady dep oılaıdy. Óıtkeni qala teńiz deńgeıinen 907 metr bıiktikte ornalasqan eken, sondyqtan sý tasqyndary men tsýnamıler bul qalaǵa qaýip tóndire almaıdy. «Boljamdarǵa senbeıtinder de aqyrzamanǵa daıyn bolýlary kerek. Damyǵan elder baıaǵyda-aq daıyndalyp alǵan, biz sııaqty emes olar» - deıdi mer. Sonymen qatar, ol turǵyndarǵa apat kezinde paıdalanatyn tuz, kúrish jáne aýyz sý sııaqty adam aǵzasyna eń qajetti azyq-túlik qoryn mindetti túrde qanymdap qoıýdy tapsyrdy.
«Men ózim úıime bárin daıyndap qoıdym, alda-jalda apat bola qalsa, syrttan kómek kútpeı-aq 2-3 aı erkin ómir súre alam» - dep túıindedi ol.
