Brazılııalyq ánshini sahna tórinde atyp ketti
ASTANA. 8 shilde. QazAqparat - San-Paýlý shtaty Kampınas qalasyndaǵy zaldyń birinde jurtshylyqqa MC Daleste atymen tanylǵan, brazılııalyq mýzykant Danıel Pellegrınıdi sahna tórinde óltirip ketti. Bul týraly latynamerıkalyq BAQ-qa silteme jasap Ýtro rý habarlaıdy.
Polıtsııa qaıǵyly oqıǵaǵa tergeý júrgizýde, olar oqıǵa bolǵan jerde túsirilgen beınejazbalar men ǵalamtorda júktelgen jazbalardyń isti anyqtaýǵa kómektesýi múmkin dep habarlap otyr. Beınejazbada MC Daleste-niń tyńdarmandaryna arnap sóz sóılegen sátinde oq atylyp, ánshiniń ómirmen qoshtasqany anyq kórinedi.
MC Daleste jergilikti jastardyń arasynda úlken suranysqa ıe «fank» stılindegi oryndaýshy boldy.
