Brazılııalyq ánshi óziniń mereıtoılyq kontsertin Astanada ótkizdi
ASTANA. Qyrkúıektiń 11-i QazAqparat /Arman Asqarov/ - Keshe, qyrkúıektiń 10-y kúni elordadaǵy Beıbitshilik pen kelisim saraıynyń sahnasynda Brazılııa eliniń belgili ánshi-ártisi Fafa de Belem án shyrqap, astanalyq kórermen qaýymǵa óziniń mereıtoılyq kontsertin usyndy, dep habarlaıdy QazAqparat.
Brazılııanyń ulttyq kúni merekesi aıasynda ótken Fafa de Belemniń kontserti Qazaqstanda alǵash ret uıymdastyryldy. Oǵan qaramastan, is-sharaǵa jınalǵan qaýym brazılııalyq ánshini qyzý qol shapalaqpen qarsy alyp, onyń shyǵarmashylyq ónerine tánti boldy. Óz sózinde Fafa de Belem qazaqstandyq kórermenderge rızashylyǵyn bildirip, Astananyń sahnasynda taǵy bir márte án shyrqaýǵa nıetti ekendigin jetkizdi. «Bıyl men Brazılııanyń ulttyq kúni merekesimen birge ózimniń shyǵarmashylyq mereıtoıymdy atap ótýdemin. Sondyqtan meniń osy kontsertim qazaq halqyna syılaǵan mereıtoılyq kontsertim dep esepteýge bolady», - dedi Fafa de Belem.
