Brazılııalyq San-Paýlýda úı janýarlaryn ıelerimen birge jerleýge ruqsat etildi

 ASTANA. KAZINFORM – Brazılııada halyq eń kóp qonystaǵan San-Paýlý shtatynyń úkimeti úı janýarlaryn ıelerimen birge qabirlerde jáne otbasylyq ýchaskelerde jerleýge ruqsat beretin jańa zań qabyldady, dep habarlaıdy Kazinform. 

Zań tazalyq normalarynyń saqtalýyn talap etedi, olardyń erejelerin jergilikti jerleý qyzmetteri anyqtaıdy. 

Zań «adamdar men olardyń asyrandy janýarlary arasyndaǵy emotsıonaldyq baılanysty» moıyndaıdy, dep jazdy BBC.

Jańa zań beıresmı túrde San-Paýlýda ıesi qabiriniń basynda 10 jylǵa jýyq ómir súrgen ıttiń qurmetine «Qabirshi Bob» beıresmı ataýyna ıe boldy. Bob Koveıro (portýgal tilinde «qabirshi» degendi bildiredi) laqap atymen atalǵan Bob marqumnyń týystary ıtti qabir basynan alyp etýge talaı árekettengenine qaramastan ol ıesi jerlengen jerge orala berdi. 

Zırat qyzmetkerleri aqyry Bobqa úıshik salyp berdi, al ol 2021 jyly kólik qaǵyp ketkennen keıin ıesimen birge jerlendi. 

Pet Brasil ınstıtýtynyń málimetinshe, Brazılııa úı janýarlarynyń sany boıynsha álemde úshinshi orynda, elde 160 mln úı janýary bar.

Osyǵan deıin Óskemende halyqty buralqy ıtterden qorǵaý úshin arnaıy qor qurylýy múmkin ekenin jazdyq.