Brazılııalyq qaqpashy oıyn sany boıynsha rekord ornatty

ASTANA. KAZINFORM — Brazılııalyq «Flýmınense» qaqpashysy Fabıo kásibı fýtbol tarıhynda eń kóp oıynǵa qatysý retinde álemdik rekord ornatty, dep habarlaıdy klýbtyń resmı saıty.

20 tamyzda «Flýmınense» Ońtústik Amerıka kýbogynyń pleı-off kezeńiniń jartylaı fınalynda Meksıkanyń «Amerıka» klýbyn 2:0 esebimen utty. 44 jastaǵy qaqpashy Fabıo negizgi quramdaǵy 1391-oıynyn ótkizdi. Osylaısha ol 1390 match ótkizgen aǵylshyn qaqpashysy Pıter Shılton rekordyn jańartty.

— 1391-oıyn ótkizip, aǵylshyn ańyzy Pıter Shıltondy basyp ozyp, rekord jańartqannan keıin «Flýmınense» ańyzyna klýb prezıdenti Marıo Bıttenkýr men vıtse-prezıdent Mateýs Chernogorııa estelik tarelka pen sımvolıkalyq fotosýret tabys etti. Saltanatty sharaǵa Fabıonyń otbasy da qatysty, - dep jazylǵan klýb saıtynda.

Fabıo «Flýmınensede» 2022 jyldan beri oınaıdy. Ol eshqashan Brazılııa quramasynda oınamaǵanymen, 2004 jyly Amerıka kýbogyn jeńip alǵan komandanyń quramynda boldy.

Eske sala keteıik, Messı bir golmen eki rekord ornatqany jaıly jazǵan edik.