Brazılııadaǵy túrmede bolǵan baskóterýler kezinde 50-ge jýyq adam mert boldy
ASTANA. QazAqparat - Amazonka djýnglılerindegi Manaýs qalasynyń mańynda ornalasqan brazılııalyq túrmede 50-den kem emes adam mert boldy, dep habarlaıdy Reuters.
Bul aldyn ala málimetter jáne Brazılııanyń qaýipsizdik qyzmeti ókilderiniń sózderinshe, qurban bolǵandar sany áli artýy múmkin.
Túrmedegi búlik jeksenbi, 1 qańtar kúni bastaldy. Kúsh-qýat qurylymy ókilderiniń habarlaýynsha, jaǵdaıdyń bulaısha sıpat alýyna esirtki saýdasyn «qadaǵalaıtyn» eki banda ókilderiniń arasyndaǵy qarsylyq áreketteri sebep bolǵan.
Agenttik ókilderiniń málimetterinshe, halyqaralyq quqyq qorǵaý uıymdary Brazılııany túrmelerindegi jaǵdaı úshin qatty synaıdy. Túrmede adamdardyń shekten tys kóp otyrýy munda ádettegi jaǵdaı. Al tártipbuzýshylyq áreketteri jıi oryn alady.
Qazan aıynda eldiń soltústigindegi Boa-Vısta qalasyndaǵy túrmedegi eki toptyń bir-birine qarsylyqtarynyń saldarynan 25 adam mert boldy. Olardyń 7-niń basyn kesip tastaǵan, taǵy 6 adamdy tirideı jaǵyp jibergen, dep jazady lenta.ru.
