Brazılııadaǵy temirjol apatynda zardap shekkenderdiń sany 140 adamǵa jetti
ASTANA. QazAqparat - Brazılııada bolǵan temirjol apatynyń saldarynan zardap shekkenderdiń sany 140 adamǵa jetti, dep habarlaıdy Globo telearnasy.
Buǵan deıin eki poıyzdyń soqtyǵysýynan 69 adamnyń zardap shekkeni týraly málim etilgen bolatyn.
Apat 6 qańtar kúni Meskıta qalasyna (Rıo-de-Janeıro shtaty) jaqyn jerdegi Jýselıno atyndaǵy stansada oryn alǵan. Poıyz qala mańynda júretin basqa poıyzben soqtyǵysty. Qazirgi kezde temirjoldaǵy qozǵalys toqtatyldy.
Oqıǵa kýágerleriniń pikirinshe, aýa raıynyń qolaısyzdyǵyna baılanysty poıyzdar tómen jyldamdyqpen júrip kele jatqandyqtan bul oqıǵada qurbandar bolǵan joq.
