Brazılııadaǵy sýrdlımpıadada Qazaqstan qorjyny eki medalmen tolyqty
NUR-SULTAN. QazAqparat – Brazılııanyń Kashıas-dý-Sýl qalasynda ótip jatqan 24-shi jazǵy sýrdlımpıadalyq oıyndarda Qazaqstan qorjyny eki medalmen tolyqty, dep habarlaıdy QazAqparat tilshisi.
QR Mádenıet jáne sport mınıstrligi Dene shynyqtyrý jáne sport komıtetiniń dene múmkindikteri shekteýli tulǵalarǵa arnalǵan sporttyq daıarlaý ortalyǵy málim etkenindeı, Anna Kramorova men Sabyrjan Hapızov sýrdodzıýdodan júldegerler qatarynan kórindi.
A.Kramorova 78 kelige deıingi salmaqta jarys barysynda túrkııalyq jáne mońǵolııalyq balýandardy utty. Tek fınalda ońtústikkoreıalyq sportshyǵa ese jiberip, kúmis medaldi qanjyǵasyna baılady.
Erler arasynda S.Hapızov 100 kelige deıingi salmaqta úzdik úshtikke ilikti.
Sondaı-aq Ermek Jánibekuly (90 kg), Lázzat Baqtııarova (63 kg) jáne Ásel Maqsutova (70 kg) besinshi orynǵa ıe boldy.
Eske sala keteıik, budan buryn qazaqsandyq sportshynyń Brazılııadaǵy sýrdlımpıadalyq oıyndarda qola júldeger atanǵanyn jazǵan bolatynbyz.
Sondaı-aq qazaqstandyq dzıýdoshylar taǵy 3 medaldi jeńip aldy.
