Brazılııadaǵy sý tasqynynan 30 adam mert boldy
BÝENOS-AIRES. QazAqparat – Brazııalııanyń Mınas-Jeıras shtatyndaǵy qatty jaýyn-shashyn men sonyń saldarynan bolǵan sý tasqyny kezinde 30 adam mert boldy, dep habarlaıdy QazAqparat Agencia Brasil-ge silteme jasap.
Brazılııanyń Azamattyq qorǵanys Ulttyq basqarmasynyń málimeti boıynsha, tabıǵat apatynan mert bolǵandar sany senbi kúni 25 bolyp, jeksenbi tańerteń 30-ǵa jetti. Odan bólek, 17 adam iz-túzsiz joǵalyp ketti, jeti adam túrli dárejedegi dene jaraqattaryn aldy. 2 500-nan asa adam úılerin tastap ketýge májbúr boldy.
Belý-Orızontı shtatynyń astanasynda beısenbiden jumaǵa deıin, 1910 jyly baqylaý bastalǵaly bolmaǵan rekordtyq mólsherdegi jaýyn-shashyn – 171 mıllımetrden kóp túsken.
Sınoptıkterdiń aıtýynsha, jeksenbiden bastap jańbyr mólsheri azaıa bastaıdy. Basqarma málimetinshe, shtattaǵy 9 qala men Belý-Orızontı shtatynda kóshkin júrý qaýpi bar.
