Brazılııadaǵy sý tasqyny alty adamnyń ómirin qıyp ketti
RIO-DE-JANEIRO. QazAqparat - Seısenbide eldiń ońtústik-shyǵysyndaǵy Brazılııa Petropolısinde nóser saldarynan kem degende alty adam qaza tapty. Bul týraly Aımaqtyq damý mınıstri Rodjerıo Marıno Twitter-degi paraqshasynda jazdy, dep habarlaıdy QazAqparat.
«Biz Petropolıste (Rıo-de-Janeıro shtaty) alty adamnyń qaıtys bolǵanyna ókinishimizdi bildiremiz. Qala qatty jańbyrdyń saldarynan zardap shekti: sońǵy tórt saǵat ishinde 200 mm-den astam jaýyn jaýdy, bul ózen sýlarynyń arnasynan shyǵýyna ákeldi. 52 jerde kóshkin tirkeldi», - dedi ol.
Rıo-de-Janeıro shtatynyń gýbernatory Klaýdıo Kastrýdyń aıtýynsha, apat saldaryn joıý úshin 120 qutqarýshy jumys istep jatyr, olarǵa kómekke taǵy 60 adam jiberildi.
Foto: srzd.com
