Brazılııadaǵy prezıdent saılaýynda solshyldar kóshbasshysy Lýla jeńiske jetti
ASTANA. QazAqparat – Brazılııanyń solshyldar kóshbasshysy Lýıs Inasıo «Lýla» da Sılva jeksenbi kúngi saılaýda qazirgi prezıdent, «brazılııalyq Tramp» atanǵan Jaır Bolsonarony az ǵana basymdyqpen jeńip, úshinshi ret prezıdent boldy, dep habarlaıdy QazAqparat VVS aqparat agenttigine silteme jasap.
Brazılııanyń Joǵarǵy saılaý soty habarlaǵandaı, ekinshi týrda Lýla 50,85%, Jaır Bolsonaro 49,15% daýys jınady.
«Men kúrdeli jaǵdaıǵa tap bolǵan elimizdi basqarýdy óz qolyma alýǵa daıynmyn. Biraq men Qudaıdyń jáne adamdardyń kómegimen elimizdiń qaıtadan demokratııalyq jolmen úılesimdi ómir súretinine senimdimin. Biz otbasy tynyshtyǵyn saqtap, ártúrli kózqarastardy biriktirip, bárimizge qajet Brazılııany qura alamyz», - dedi Lýla saılaý nátıjeleri jarııalanǵannan keıin.
Alǵashqy mınýttarda Lýlany Twitter arqyly jáne basqa da joldarmen kórshiles Latyn Amerıkasy memleketteriniń basshylary, AQSh pen Frantsııa prezıdentteri, Kanada premer-mınıstri jáne basqa elderdiń basshylary quttyqtady.
