Brazılııadaǵy prezıdent saılaýy: básekede - Lýla men Bolsonaro
BRAZILIıA. QazAqparat - Brazılııada jalpy saılaý saılaýshylardyń polıarızatsııasy aıasynda ótip jatyr, dep habarlaıdy QazAqparat euronews.com saıtyna silteme jasap.
Jalpy saılaý nátıjeleri el prezıdentin, sondaı-aq shtattar men federaldy okrýgter gýbernatorlaryn anyqtaıdy, depýtattar palatasy men Federaldyq senattyń úshten bir bóliginiń quramyn tolyǵymen jańartady, aımaqtyq jańa depýtattar belgili bolady.
Saılaý álemdegi tórtinshi úlken demokratııalyq elde bılikke solshyl saıasatkerdi qaıtarý nemese tym ońshyl qazirgi memleket basshysyn taǵy 4 jylǵa qaldyrý máselesin sheshýge arnalǵan. Bul saıası dodada qazirgi prezıdent Djeır Bolsonaro óziniń saıası áriptesi, burynǵy prezıdent Lýıs Inasıo Lýla da Sılvaǵa básekeles.
Saılaýǵa taǵy 9 kandıdat qatysty, biraq olardyń múmkindikteri Bolsonaro men da Sılvaǵa qaraǵanda, álsiz.
Sońǵy saýalnamalardyń nátıjesi boıynsha, ortalyq solshyl Jumysshylar partııasynyń qoldaýymen topqa túsken Lýla da Sılva birinshi týrda qajetti 50 paıyz daýys jınaı alady.
Saılaýda ońshyl Lıberaldyq partııanyń ókili bolyp tabylatyn qazirgi prezıdent Djeır Bolsonaro sheshilmegen daýystarmen alshaqtyqty joıady dep úmittenedi.
Saılaý naýqany janjaldarmen, kandıdattardy jaqtaýshylarǵa shabýyldarmen jáne jappaı narazylyqtarmen qatar júrip jatyr.
Brazılııada daýys berý quqyǵy bar eldiń 156 mıllıonnan astam azamaty úshin mindetti bolyp tabylady. Qazirgi prezıdent Djeır Bolsonaro tórt jyl qyzmet etkennen keıin ekinshi merzimge saılanǵan.
Birinshi kezeńde úmitkerlerdiń eshqaısysy jeńe almasa, daýys berýdiń ekinshi kezeńi 30 qazanda ótedi.
