Brazılııadaǵy narazylyq sherýi kezinde CNN tilshisi jaralandy
ASTANA. QazAqparat - Brazılııada fýtboldan álem chempıonatynyń ótkizilýine qarsy narazylyq sherýi áli basylmaı tur. Dúbirli dop dodasynyń ashylý matchy bastalar aldynda San-Paýlý kóshelerine jıyrma shaqty sherýshi shyǵyp, ashylý saltanatyn buzbaq bolǵan.
Bul týraly kp.ru jazady.
Olar «Itakeran» stadıonyna basyp kirmekke talpynǵan. Sonyń saldarynan saqshylar men olardyń arasynda urys oryn alǵan. Quqyq qorǵaýshylar tipti narazylyq bildirýshilerge qarsy kózdi jasaýratatyn gaz qoldanǵan.
Aldyn ala málimetter boıynsha, urys saldarynan 5 adam jaraqat alǵan. Zardap shegýshilerdiń arasynda CNN korrespondenti Barbara Arvanıtıdıs te bar kórinedi. Ol aıaǵyna áldeneniń jaryqshaǵy tıip, aýrýhanaǵa jetkizilgen.
