Brazılııadaǵy konkýrsta qazaqstandyq oqýshylardyń jobalary joǵary baǵalandy
ASTANA. QazAqparat - Qazaqstandyq oqýshylar Brazılııada ótken ǵylymı jobalar konkýrsynan medaldarmen oraldy, dep habarlaıdy QazAqparat tilshisi.
3-27 qazanda qazaqstandyq 39 oqýshy, sonyń ishinde 18 elordalyq Brazılııanyń Novo-Gambýrg qalasynda ótken ǵylymı jobalar konkýrsyna qatysty. Konkýrs «Mostra Internacional de Ciência e Tecnologia» (Mostratec) 33-shi halyqaralyq bilim kórmesi aıasynda uıymdastyryldy.
Konkýrsqa 20 elden 300-den astam adam qatysty.
«Bilim ınnovatsııa lıtseıi» tárbıelenýshileri Baýyrjanuly Baǵlan, Janaıdar Qarmanov, Tımýr Sátmaǵambetov «Japondyq ǵıbadathanalardyń geometrııasy» jobasy boıynsha altyn medaldy jeńip aldy. Birinshi oryndy «Etanol óndirisi» hımııa jobasymen № 73 mektep-lıtseıiniń oqýshysy Saparǵalı Balym aldy.
«Bilim ınnovatsııa lıtseıiniń» oqýshylary Temirlan Jumageldınov pen Madııar Mamyrbekov jáne «NURORDA» lıtseıiniń oqýshysy Nursultan Imanǵalı geometrııadaǵy fraktal týraly jobamen ekinshi oryndy ıelendi. Sondaı-aq, №17 mektep-gımnazııasynan Aqmaral Bedelhanova men Safı Nurjan matematıkadan «kúmis» júlde aldy. №73 mektep-gımnazııasynyń oqýshylary Aslan Tuıaq, Dáýirjan Aqmurat, Qambar Mashuryq jáne Tolqyn Asylbekova psıhologııa men ózin-ózi damytý boıynsha joba usyndy.
Úshinshi oryndy «Bilim ınnovatsııa lıtseıinen» Nurıslam Seıdalın men Mırat Eńbekov aǵylshyn tilindegi, №47 mekteptiń oqýshysy Aıajan Jumashev hımııa boıynsha, sondaı-aq №50 mekteptiń tárbıelenýshisi Denıs Ttsýgýlov pen «Bilim ınnovatsııa lıtseıinen» Ádilet Qalıjan geografııa boıynsha jobalarymen jeńimpaz atandy.
Marapattaý rásiminde eń jaqsy jumystardyń avtorlaryna medaldarmen qosa dıplomdar, baǵaly syılyqtar jáne bilim granttary tabys etildi.
