Brazılııadaǵy qonaqúıler fýtboldan ÁCh qarsańynda 50 paıyzǵa arzandap ketti
ASTANA. QazAqparat - Brazılııada fýtboldan álem chempıonaty qarsańynda qonaqúı nómirleriniń baǵasy bos oryndardyń kóp bolýyna baılanysty tómendep ketti. Qonaqúıler, pansıonattar, kýrorttar qyzmetkerleriniń 66 kásipodaǵyn biriktiretin Brazılııalyq qonaqúıler men qoǵamdyq tamaqtaný federatsııasynyń (BQQT) derekterine súınesek, baǵa 50 paıyzǵa deıin túsken.
BQQT perzıdenti Aleshandrı Sampaıýdyń aıtýynsha, álem chempıonatynyń oıyndary ótetin barlyq 12 qalada 12-13 shilde aralyǵynda týrıstik synypty qonaqúıden ortasha baǵa - 500 realǵa (2,2 real - $1) nómir tabýǵa bolady.
Este qalarlyǵy, osydan bir jarym aı buryn nómirler myń real bolatyny jaıynda aıtylǵan bolatyn. Shetelden keletin jankúıerler aǵyny bastapqyda josparlanǵandaı, aıtarlyqtaı kóp bolmady. 200 mln. halqy bar Brazılııa úshin 60 myń sheteldik fýtbol áýesqoılary túkke turmaıdy. ÁCh oıyndary el-elde ótken kezde kórýge nıetti 3,1 mln brazılııalyq jankúıerler turý úshin barynsha únemdi nusqalardy, onyń ishinde jekemenshik sektordy izdestiredi.
