Brazılııadaǵy hımııalyq qoımada jarylys boldy, zardap shekkender bar
ASTANA. QazAqparat - Brazılııanyń Santýs qalasyndaǵy hımııalyq zattar qoımasynda jarylys boldy. Jaqyn mańdaǵy úılerdiń turǵyndary qaýipsiz jerge shyǵaryldy, qalǵan azamattarǵa úıden shyqpaýǵa keńesi berildi, dep habarlaıdy Bı-Bı-Sı agenttigi.
Qoımany menshikteýshi kompanııanyń aqparatyna sensek, jarylys qoımada saqtalyp turǵan qyshqyl men zararsyzdandyrǵysh dári-dármekterdiń jaýyn sýymen aralasýy saldarynan boldy.
Apattan zardap shekken 60-tan astam adam aýrýhanaǵa jetkizildi. Órt sóndirýshiler jalynmen arpalysyp jatyr. Hımııalyq zattar turǵan 16 konteıner otqa oranǵan.
Jarylystan keıin qala ústinde ýly zattardan turatyn qoıý bult paıda boldy.
Qala basshysy Santýs turǵyndaryn jaýyn kezinde úıden shyqpaýǵa keńes berdi. Óıtkeni tamshylardyń quramynda zııandy hımııalyq elementter bolýy múmkin.
Santýsta qalasynda Brazılııanyń basty porttarynyń biri ornalasqan.
Foto: vzryv v Brazılıı (EPA)
