Brazılııadaǵy ereýilder basylar emes - VIDEO
ASTANA. QazAqparat - Brazılııada fýtboldan álem chempıonatynyń ashylýyna 3 apta qalsa da, ereýilderdiń esh basylatyn túri joq, dep jazady 24.kz.
Bul joly ataqty «Arena Korıntıans» stadıony mańynda baspanasyzdar lagerin qurǵan myńdaǵan adam San-Paýlý kóshelerimen sherý tartyp, júrip ótti.
Olar álemdik aıaqdop dodasynyń ótkizilýine baılanysty shaharda jyljymaıtyn múlik baǵasynyń sharyqtap ketkenin jáne kópshiliktiń úısiz qalǵanyn ashyna aıtyp otyr.
«Arena Korıntıans» stadıony mańyndaǵy lager osy aıda turǵyzylǵan bolatyn. Qurylysy 450 mln. AQSh dollaryna jetken stadıon mańyn úıleri joq 4 myńǵa jýyq adam panalaýda. Al el Prezıdenti Dılma Rýssef lagerdi panalaýshylarǵa memleketten baspana berýge ýáde etken bolatyn.
