Brazılııadaǵy eń uzyn qyz endi álemdegi eń uzyn qalyńdyq atanbaq - FOTO
ASTANA. QazAqparat - Brazılııadaǵy eń uzyn qyz endi álemdegi eń uzyn qalyńdyq atanbaq. Boıynyń uzyndy 2 metr 2 santımetrdi quraıtyn model Elısanı da Krýz Sılva Fransınaldo da Sılva Karvaleniń (boıy 1,62 metr) usynysyn qabyl alyp, turmysqa shyǵýǵa kelisimin berdi, dep habarlady sheteldik BAQ.
Bul juptyń kezdesip júrgenderine 3 jyldan astam ýaqyt bolǵan. Boılary arasyndaǵy aıyrmashylyqqa qaramastan Fransınaldo ózin esh ýaqytta qolaısyz sezingen emes. Salınoplıs qalasynda turyp jatqan olar aldaǵy ýaqytta sábıli bolýdy armandaıdy.
Qurylysshy bolyp jumys isteıtin kúıeý jigit Fransınaldonyń sózine qaraǵanda, ol bala kezinen boıy uzyn qyzǵa úılenýdi armandaǵan ári qalyńdyǵy usynysynan bas tartpaǵanyna qýanyshty.
Al qalyńdyq bolsa qurylysshy jigittiń balań sezimine asa kóńil bóle qoımaǵan kórinedi. «Men ony jek kóretin kezeńder de boldy. Tipti, kezdesý kezinde ony uryp ta jibergim keledi», - deıdi model Mail Online basylymyna bergen suhbatynda.
Aıta keteıik, ǵalamshardaǵy eń uzyn azamat boıy ózinen 78 santımetr qysqa áıelmen shańyraq kótergen bolatyn.
