Brazılııadaǵy dop dodasy kezinde 250 000 dana Quran tegin taratylady
ASTANA. QazAqparat - Kýveıt eliniń ýaqyptar mınıstrligi Brazılııadaǵy dop dodasy kezinde birneshe tilge aýdarylǵan 250 000 dana Qurandy tegin taratynyny týraly málimdedi. Bul týraly Mınıstrler kollegııasy memlekettik satyp alý tenderin jarııalaǵanyn jetkizdi, dep habarlaıdy muslim.kz.
Qasıetti Quran Kárimniń ıspan, portýgal, aǵylshyn jáne frantsýz tilderindegi aýdarmasy fýtbol chempıonaty kezinde qonaqúıler men stadıondarda, basqa da qoǵamdyq oryndarda taratý josparlanyp otyr.
Álem kýbogy úshin talasqa túsken 32 quramanyń oıyndary eldiń on eki qalasynda ótkizilmek: Belý-Orızontı, Brazılıa, Kýıaba, Kýrıtıba, Fortaleza, Manýas, Natal, Portý-Alegrı, Resıfı, Salvador, San-Paýlý jáne Rıo-de-Janeıro shaharlarynda.
Sondaı-aq, chempıonat qonaqtary men jankúıerlerine arnap Brazılııa Musylmandary Odaǵy men Oman elshiliginiń uıytqy bolýymen 32 bettik «Sálem Brazılııa» atty tanystyrý paraqshasy daıyndalýda.
