Brazılııadaǵy damba jarylysynan qaza tapqandar sany 60 adamǵa jetti
ASTANA. QazAqparat - Brazılııanyń shyǵysynda damba jarylýy saldarynan mert bolǵan adamdardyń sany 60-qa jetti, taǵy 292 adam iz-tússiz joǵalǵan, dep habarlaıdy Globo portaly.
Brýmadınıý mýnıtsıpalıteti (Mınas-Jeraıs shtaty) aýdanynda bógettiń buzylýy 25 qańtardyń tańynda oryn alǵan. Vale kompanııasynyń ákimshilik ǵımarattary men turǵyn úılerdi laı aǵyny basyp qaldy. Bul rette apattyq eskertý júıeleri jumys istegen joq.
Oqıǵanyń sebep-saldary anyqtalý ústinde.
