Brazılııadaǵy Álem chempıonatynda qoǵamdyq tártipti 150 myń saqshy qadaǵalaıdy
ASTANA. QazAqparat - Brazılııada fýtboldan Álem chempıonatyn qabyldaıtyn qalalarda qoǵamdyq tártipti 57 myń áskerı, sonymen qatar 100 myń polıtsııa qyzmetkeri men basqa da qyzmettiń ókilderi qadaǵalaıdy, dep habarlaıdy kazsporttv.kz.
Eldiń qorǵanys mınıstri Selso Amorım chempıonat kezindegi tártipti qadaǵalaý josparyn tanystyrdy. Tártip saqshylar birinshi kezekte stadıon, áýejaı jáne qonaqúılerdi baqylaýda ustaıdy. Brazılııa úkimeti qosymsha qaýipsizdik sharalary úshin 628 mıllıon eýro jumsamaq. Esterińizge sala keteıik, elde jappaı demonstratsııalyq sharalar jalǵasýda. Sherýge shyqqandar elde Álem chempıonatyn ótkizýge qarsy. Olardyń paıymdaýynsha, bul jobaǵa jumsalǵan qarajatty densaýlyq, bilim jáne kólik salasyna baǵyttaý mańyzdyraq.
