Brazılııadaǵy tutas bir qala jer astyna túsip ketýi múmkin

ASTANA. KAZINFORM – Brazılııa bıligi eldiń soltústigindegi Býrıtıkýpý qalasy eldi meken taý jynystarynyń opyrylýy saldarynan jer astyna ketedi degen qaýipke baılanysty atalǵan aýmaqta tótenshe jaǵdaı jarııalady, dep habarlaıdy TASS aqparat agenttigi. 

Tıisti sheshim el úkimetiniń baspasóz betinde jarııalandy.

— Tabıǵı apattar týraly formýlıarda sıpattalǵan aýmaqtarda qoǵamdyq apattyń rejımi tanylsyn, - delingen qujatta. 

Mýnıtsıpalıtet buǵan deıin Býrıtıkýpýda qatty jaýǵan jańbyr kóshkin qaýpin arttyrǵannan keıin tótenshe jaǵdaı jarııalaǵan bolatyn. Jergilikti bılik zardap shekkenderge kómek kórsetý úshin federaldy úkimetten qosymsha qarajat suraı alady.

Qazirgi tańda qaýipti aımaqta 250 úı bar.

G1 portalynyń jazýynsha, Býrıtıkýpýda taý jynystarynyń birtindep opyrylýy 30 jyldan astam ýaqyt boıy baıqalyp keledi jáne osy ýaqyt ishinde 70-ten astam úı jer astynda qalǵan.