Brazılııadaǵy sý tasqyny qurbandarynyń sany 46 boldy

ASTANA. KAZINFORM – Brazılııada 23 aqpannan beri jaýyp jatqan nóser jaýyn saldarynan týyndaǵan sý tasqyny qurbandarynyń sany 46-ǵa jetti, dep habarlaıdy Anadoly.

Mınas-Jeraıs shtatynyń órtke qarsy qyzmeti habarlaǵandaı, Jýıs-dı-Fora jáne Ýba qalalaryn jaılaǵan sý tasqynynan keıin izdestirý-qutqarý jumystary áli júrip jatyr.

Resmı málimdemede mert bolǵadar sany 46-ǵa jetkeni, al 21 adamnyń iz-túzsiz joǵalǵany aıtylǵan.

Jergilikti bılik apattan eń kóp zardap shekken Jýıs-dı-Fora qalasynda 3 600 turǵynnyń qaýiptiń joǵary bolýyna baılanysty úılerin tastap ketýge májbúr bolǵanyn habarlady.

Sınoptıkterdiń boljamynsha, nóser jańbyr áli de jalǵasady. Osyǵan baılanysty bılik halyqty saqtyq sharalaryn qatań ustanýǵa shaqyrdy.

Shtat gýbernatory Romeý Zema jergilikti BAQ-qa bergen suhbatynda zardap shekkenderge gýmanıtarlyq kómekti jedel jetkizý basty mindet ekenin aıtty. Sondaı-aq ol óńirdi qalpyna keltirý isinde ortalyq bılikpen tyǵyz yntymaqtastyqqa daıyn.

Óz kezeginde Lýıs Inasıý Lýla da Sılva ákimshiligi baspanasyz qalǵan azamattarǵa arnalǵan jańa kómek paketi mýnıtsıpalıtetterge jiberiletinin málimdedi.

Osyǵan deıin Brazılııadaǵy nóser jaýyn saldarynan mert bolǵandar sany 30-ǵa jetkeni týraly jazdyq.