Brazılııada jaı túsip, 30-dan astam áskerı qyzmetshi zardap shekti
ASTANA. QazAqparat - Brazılııada prezıdenttik qarýly kúsh polkiniń naızaǵaı soqqan 30-dan astam áskerı qyzmetshisi aýrýhanaǵa jetkizildi, dep habarlady RIA Novostı.
Oqıǵa el astanasy Brazılıa qalasynda oryn aldy. G1 portalynyń derekterine súıensek, naızaǵaı áskerı qyzmetshiler tapsyrma alyp jatqan kezde túsken. Dárigerler 26 áskerı qyzmetshini aýrýhanaǵa jatqyzǵanyn málimdedi. Olardyń denesin kúıik shalǵan. Zardap shekkenderdiń ómirine esh qaýip joq.
Resmı derekter boıynsha, Brazılııada 2014 jyly jaı túsý saldarynan 98 adam qaza tapqan. Bul elde jyl saıyn jaı túsýge qatysty 50 mıllıonǵa jýyq oqıǵa tirkeledi eken.
