Brazılııada zeınetkerlik reformaǵa qarsy narazylyq bildirýshiler Qarjy mınıstrligin basyp aldy
ASTANA. QazAqparat - Zeınetaqy reformasyna qarsy narazylyq bildirgen brazılııalyqtar eldiń qarjy mınıstrligi ǵımaratyn basyp aldy.
Brazılııanyń kóptegen qalalarynda beısenbige qaraǵan túnde jappaı narazylyq aktsııasy ótti, dep habarlady "Bı-bı-sı".
Brazılııa astanasynda Qarjy mınıstrligi ǵımaratynyń janynda júzdegen adam birneshe saǵat boıy narazylyq aktsııasyn uıymdastyrdy. San-Paýlýda bıliktiń zeınaqyǵa qatysty josparyna narazy halyq jol qozǵalysyn shektedi. Osy qalada kólik kásipodaqtary sársenbide 24 saǵattyq ereýilge shyqty.
El úkimeti zeınetkerlik jasty 65-ke deıin uzartyp, keı sanattaǵy azamattardan jeńildikti alyp tastaýdy josparlaýda. Tolyq tólem alý úshin 49 jyl zeınetaqylyq jarna talap etiledi (qazir - 35 - erler úshin, 30 - áıelder úshin).
