Brazılııada úndister men fermerler jerge talasýda
ASTANA. QazAqparat - Brazılııanyń batysynda Matý-Grossý shtatynyń Dýradına okrýginde gýaranı úndisteri jergilikti fermerlerdiń shabýyldaǵanyn aıtyp, prokýratýraǵa shaǵym túsirdi. Úndisterdiń aıtýynsha, beısenbi kúni tústen keıin fermerler 30 shaqty kólikpen olardyń aýmaǵyna basyp kirip, atys uıymdastyrǵan, turǵyndar qashyp, ormandy panalaýyna týra kelgen. Eshkim zardap shekken joq.
Úndister fermerlerdi zańsyz qarýly top qurǵany úshin aıyptaýda.
22 tamyzda myńdaǵan gýaranı bes ranchony basyp alǵan. Fermerler óz menshikterin kúshpen alyp, kepilge alynǵan adamdardy bosatqan. Bul rette burynǵy kósem Semaıo Vılhalva qaza tapty.
Úndister Brazılııa eliniń astanasynda prezıdenttik saraı aldynda narazylyq aktsııasyn ótkizdi.
Bılik Dýardına okrýgine ásker bólimshesin jiberýde.
Úndister bul jerdi ózderine babalary amanattaǵan dep sanaıdy. Baıyrǵy halyq isteri jónindegi ulttyq basqarma olardyń talabymen tanysty, alaıda fermerler sotta jeńip shyqty.
Matý-Grossý shtaty mal sharýashylyǵy men soıa ósiretin negizgi óńir bolyp tabylady, bul jerde fermerler men úndister arasynda qaqtyǵys jıi oryn alady.
