Brazılııada tikushaq apatynan 5 adam opat boldy
ASTANA. QazAqparat - Brazılııanyń San-Paýlý shtatynda tikushaq apaty saldarynan bes adam ajal qushty. Bul týraly polıtsııa qyzmetkerleri habarlady, dep jazady TASS.
Áýe kóliginiń bortynda baqýatty bıznesmenniń otbasy bolǵan, ol eki jasar sábıiniń dene qyzýy kóterilgen soń San-Paýlýdaǵy aýrýhanaǵa jetýdi kózdegen. Ol úshin osy januıa rojdestvolyq merekelerdi atap ótip jatqan muhıt jaǵalaýyndaǵy shıpajaıǵa shuǵyl AS-350 tikushaǵy shaqyrylǵan. Tikushaq belgisiz sebeptermen basqarýǵa kónbeı, ushyp shyqqan aımaǵynan 5 shaqyrym qashyqtyqta jerge qulap, órtengen. Onyń bortynda bolǵan adamdardyń barlyǵy qaza tapty. Oqıǵany tergeý bastaldy.
