Brazılııada taý-ken kompanııasynyń burynǵy basshysynyń ushaǵy turǵyn úıdiń ústine qulady
ASTANA. QazAqparat - San-Paýlýda turǵyn úı oramyna jeńil motorly ushaq qulap, onyń saldarynan jeti adam ajal qushty, dep habarlady RBK.
Ulttyq azamattyq avıatsııa agenttiginiń derekterine súıensek, qulaǵan ushaq Vale kompanııasynyń burynǵy prezıdenti Rodjer Agnellıge tıesili, dep atap ótti Reuters agenttigi. Agnellı bortta boldy ma, joq pa, ol jaǵy ázirge belgisiz.
Memlekettik avıatsııalyq ınfraqurylym agenttiginiń derekterine sáıkes oqıǵa senbi kúni, 19 naýryzda, saǵat 15.20 shamasynda oryn alǵan. Ushaq San- Paýlýdaǵy Kampo de Marte áýejaıynan aýaǵa kóterile bere, birden qulaǵan.
Oqıǵa saldarynan ushqysh, ushaqtyń alty jolaýshysy qaza tapty, dedi jergilikti órt sóndirý bóliminiń ókili. Ushaq qulaǵan ǵımaratta bir adam jaraqat aldy.
Globo basylymynyń derekterine súıensek, Agnellı bortta bolyp, apat saldarynan qaza tapqan. Bortta sondaı-aq bıznesmenniń jubaıy, eki balasy - qyzy men uly - jáne olardyń jubaılary bolǵan.
Agnellı Vale kompanııasyn 2011 jylǵa deıin on jyldaı basqarǵan.
