Brazılııada sý tasqynynan mert bolǵandar sany 200 adamnan asty
RIO-DE-JANEIRO. TASS - QazAqparat - Brazılııanyń Petropolıs qalasynda tolassyz jaýǵan jańbyr saldarynan sý tasqyny men kóshkin bolyp, mert bolǵandar sany 204 adamǵa jetti.
Bul týraly sársenbi kúni Globo qutqarý qyzmetine silteme jasap jazdy, dep habarlaıdy QazAqparat TASS-qa silteme jasap.
Bir kún buryn 195 adamnyń qaza tapqany habarlanǵan edi. 51 adam iz-túzsiz joǵalǵandar qatarynda. Qurban bolǵandardyń 33-i - balalar men jasóspirimder. Іzdeý-qutqarý operatsııasy 9 kúnnen beri júrip jatyr, oǵan qatty jel men jańbyr kedergi keltirýde.
Buǵan deıin habarlanǵandaı, jedel qyzmet 190 kóshkin men 230 oqıǵa týraly aqparat alǵan. 80 turǵyn úı ǵımaratyna zaqym kelip, sonyń ishinde 54-i tolyq qıraǵan. 15 aqpanda alty saǵattyń ishinde 260 mm (aılyq normadan kóp) jaýyn-shashyn jaýǵan, qala bıligi TJ rejımin engizdi.
Sýret: AP Photo/Silvia Izquierdo
