Brazılııada sý tasqyny qurbandarynyń sany 670 adamnan asty
ASTANA. 18 qańtar. QazAqparat - Brazılııanyń Rıo-de-Janeıro shtatyndaǵy sý tasqyny men laı kóshkini qurbandarynyń sany, sońǵy málimetter boıynsha, 665 adamǵa jetip otyr.
Bul týraly jergilikti basylymdar habarlaýda. Laı kóshkininen Nova-Frıbýrgý qalasy qatty zardap shegip otyr, onla 312 adam qaza tapsa, Terezopolıs qalasynda - 276 adam, Petropolıs jáne Sýmıdoýrý qalalarynda sáıkesinshe 58 jáne 19 adam qurban bolǵan. Bul qalalardyń bári taýly aımaqta, Rıo qalasynyń soltústigine qaraı 100 shaqyrym jerge ornalasqan. Atalǵan qalalardyń mýnıtsıpaldyq ókimetteriniń tizimderinde 672 adamnyń qaza bolǵany kórsetilgen.
12 qańtarǵa qaraǵan túni bolǵan qatty nóserden keıin Rıo-de-Janeıro shtatynyń taýdy bóligindegi birneshe qalada úlken laı kóshkini oryn alǵan bolatyn. Óńirde bir táýliktiń ishinde 800 mm jaýyn jaýyp, bir aılyq normaǵa bir-aq jetken. Ótken jeksenbi kúni aýmaqta taǵy jaýyn bolyp, onyń saldary jańa laı kóshkinderine, taǵy biraz adam qurbandyqtaryna ákelgen.
