Brazılııada sý tasqynynan qaza tapqandar sany 78 adamǵa jetti

ASTANA. KAZINFORM – Brazılııanyń ońtústigindegi Rıý-Grandı-dý-Sýl shtatynda tolassyz jaýǵan jańbyrdan bolǵan sý tasqyny saldarynan 78 adam qaza taýyp, 115 myńnan astam adam úılerin tastap ketýge májbúr boldy. Bul týraly Reuters jazdy.

Prezıdent Lýıs Inasıý Lýla da Sılva jeksenbi kúni Rıý-Grande-dý-Sýlǵa jergilikti bılikpen qutqarý jáne qalpyna keltirý jumystaryn talqylaý úshin keldi.

Sý tasqyny qurbandarynyń sany áli de ósýi múmkin. Sebebi jeksenbi kúni tabıǵı apat kezinde 105 adam iz-túzsiz joǵalyp ketti dep habarlanǵan bolatyn.  

Qazirgi ýaqytta qutqarý jumystaryna qatysyp júrgen eriktiler qaıyqtar men gıdrotsıklderdi paıdalanyp jatyr. 

Eske salsaq, buǵan deıin Brazılııadaǵy sý tasqynynan 39, keıin 56 adam qaza tapqanyn jazǵan edik.