Brazılııada sý tasqyny qurbandarynyń sany 68- jetti

ASTANA.KAZINFORM — Brazılııada 23 aqpannan beri tolassyz jaýǵan jańbyr saldarynan bolǵan sý tasqyny kezinde qaza tapqandar sany 68 adamǵa jetti, dep habarlaıdy Anadoly.

Mınas-Jeraıs shtatynyń órt sóndirý qyzmeti Jýıs-dı-Fora jáne Ýba qalalarynda sý tasqynynan keıin máıitter tabylǵanyn habarlady. Vedomstvo málimetinshe, Jýıs-dı-Forada 62 adam, al Ýbada 6 adam qaza bolǵan.

Qazirgi ýaqytta 5 adamdy izdeý jumystary jalǵasyp jatyr.

Ulttyq tabıǵı apattardy baqylaý jáne eskertý ortalyǵy (Cemaden) jańbyrdyń jalǵasatynyn jáne jańa sý tasqyndary men kenetten bolatyn tasqyn qaýpi bar ekenin eskertti.

Shtat bıligi men federaldyq úkimet zardap shekken aımaqtarǵa azamattyq qorǵanys kúshterin, qaýipsizdik qyzmetkerlerin jáne medıtsına mamandaryn jiberdi. Buǵan deıin prezıdent Lýıs Inasıý Lýla da Sılva ákimshiligi baspanasyz qalǵan turǵyndarǵa kómek kórsetý úshin mýnıtsıpalıtetterge jańa qoldaý paketin bóletinin málimdegen bolatyn.

Aıta ketelik Brazılııada sý tasqynynan 59 adam qurban bolǵanyn jazǵan edik.