Brazılııada stadıon qurylysyn toqtatý máselesi tótesinen qoıyldy
ASTANA. 16 jeltoqsan. QazAqparat - Brazılııalyq Manaýs qalasynyń prokýratýrasy «Arena Amazonııa» stadıonynda barlyq qurylys jumystaryn dereý toqtatýdy talap etti.
Atap aıtqanda, bul sporttyq nysanda fýtboldan aldaǵy Álem chempıonatynyń toptyq týrnıriniń tórt matchy ótýi tıis.
Jaqynda osy stadıonnyń qurylysy barysynda jumysshy opat bolǵan edi.
22 jasar Markleýdo de Melo Ferreıra kabeldiń úzilýi saldarynan 35 metr bıiktikten qulǵannan keıin, Manaýs qalasynyń aýrýhanasynda qaıtys boldy.
Belgili bolǵandaı, stadıondaǵy qurylys jumystary jospardan qalys kele jatqandyqtan, ondaǵy jumystar táýlik boıy júrgizilýde. FIFA sheshimine sáıkes stadıon bıyldyń sońyna deıin tapsyrylýy tıis eken.
Bıliktiń paıymynsha, adamdar tym qaterli jaǵdaıda jumys isteýde jáne qurylysty ýaqytynda aıaqtaý qajettiligi adamdardyń ólimine túsinik bola almaıdy.
