Brazılııada sottalýshylar túrmelerge syımaı jatyr
ASTANA. QazAqparat - Brazılııada jańadan 30-ǵa jýyq túrme salynady.
Mundaı sheshimdi el prezıdenti Mıshel Temer sottalýshylar istep turǵan penıtentsıarlyq mekemelerge syımaı jatqandyqtan qabyldap otyr, dep habarlaıdy QazAqparat.
Reıter agenttiginiń jazýynsha, bul úshin el bıligi 300 mln. dollar jumsaıtyn bolady. Jańa bes túrme qorǵaý júıesiniń eń joǵary deńgeıimen jaraqtalatyn bolady, onda eń qaýipti qylmyskerler ustalmaq.
Bul Brazılııadaǵy penıtentsıarlyq júıe daǵdarysyn sheshý boıynsha shuǵyl sharalardyń biri bolyp tabylady. Osy ýaqytta atalmysh memleket túrmelerinde sottalýshylar sany eki esege kóp. Bul qańtar aıynan bastap túrmelerde 140 adamnyń qatygezdikpen óltirilýine alyp keldi.
Foto: Blog for Life
