Brazılııada poıyz avtobýspen soqtyǵysyp qaldy
ASTANA. Qyrkúıektiń 10-y. QazAqparat - Brazılııanyń San-Paýlý shtatynda poıyzdyń avtobýspen soqtyǵysyp qalý saldarynan kem degende toǵyz adam qaza taýyp, 15 adam jaraqattanǵan, dep habarlaıdy Ýtro. rý agenttigi jergilikti BAQ aqparattaryna silteme jasaı otyryp.
Oqıǵa shtat astanasy San-Paýlý qalasynan 125 shaqyrym jerdegi Amerıkana qalasynyń temir jol ótkelinde oryn alǵan. Avtobýs belgisiz sebeptermen júk poıyzy ótip bara jatqan temirjolǵa qaraı shyǵyp ketken.
Apat saldarynan alty adam oqıǵa ornynda qaza tapsa, taǵy da úsheýi keıinirek kóz jumdy. Dárigerlerdiń sózine qaraǵanda, 15 adam aýyr halde aýrýhanaǵa jetkizildi. Zardap shekkenderdiń sany anyqtalýda.
