Brazılııada Peleniń uly ustaldy
ASTANA. QazAqparat - Brazılııa bıligi áıgili fýtbolshy Peleniń uly - Edson Sholbı Nasımentýdy ustady. ol San-Paýlýda quryqtalyp, polıtsııa ýchaskesine jiberildi, dep naqtylady ITAR-TASS.
43 jastaǵy Edıno esirtki satýdan túsken aqshany jylystatqany úshin 33 jylǵa sottaldy. Osy is boıynsha tergeý 2005 jyly bastalǵan edi, sol kezden bastap sportshyǵa onyń belgili esirtki saýdalaýshylarmen baılanysy bar jáne esirtki saýdasyna qatysqan degen aıyptar taǵyldy. Ol barlyq aıyptaýlardy joqqa shyǵardy, alaıda ózi esirtki paıdalanatynyn jasyrǵan joq.
2014 jyldyń mamyr aıynda Edıno sottaldy, alaıda appelıatsııalyq shaǵym jasap, ony qaıta qaraý merzimine deıin bostandyqqa shyqty. Onymen birge osy is boıynsha taǵy úsh adamǵa aıyp taǵylǵan. Olardyń báriniń múlki, sonyń ishinde 100 avtokólik tárkilendi.
Toqsanynshy jyldary Nasımentý «Santos» klýbynda oınady. Onyń ákesi de osy klýbta tanymal bolǵan. Qazir Edıno osy klýbtyń jattyqtyrýshylarynyń biri.
