Brazılııada Peleniń qaıtys bolýyna baılanysty 3 kúndik aza tutý jarııalandy
ASTANA. TASS-QazAqparat – Brazılııada fýtbol koroli Peleniń qaıtys bolýyna baılanysty úsh kúndik aza tutý jarııalandy, dep habarlaıdy QazAqparat TASS jańalyqtaryna silteme jasap.
«Osy jarlyq jarııalanǵan kúnnen bastap respýblıkanyń barlyq aýmaǵynda úsh kúndik merzimge resmı aza tutý jarııalandy. Burynǵy fýtbolshy Edson Arantes dý Nasımentý - Peleniń qaıtys bolýyna ókinish belgisi retinde», - delingen resmı habarlamada.
Áıgili fýtbolshy Pele 82 jasynda ómirden ótti. 1940 jyldyń 23 qazanynda Brazılııada dúnıege kelgen Édson Arántıs dý Nasıméntý jankúıerlerge Pele degen laqap esimimen belgili boldy.Ol - óziniń fýtbolshylyq mansabynda úsh márte álem chempıony ataǵyn jeńip alǵan jalǵyz fýtbolshy.
Ataqty fýtbolshy uzaq ýaqyt boıy onkologııamen kúresip keldi. Atalǵan aýrý onyń aǵzasynan 2021 jyldyń kúzinde anyqtalǵan.
Foto: : Arquivo / Eduardo Matysiak
