Brazılııada Pele mavzoleıi ashyldy
SANTÝSh. QazAqparat – Peleniń altyn tabytyna arnalǵan mavzoleı San-Paýlý mańyndaǵy Brazılııanyń Santýsh qalasynda ashyldy. Bul týraly QazAqparat Euronews-ke silteme jasap habarlaıdy.
Onyń uldarynyń biri Edıno túsindirgendeı, bul jer stadıon sekildi, Pele áli de oınap jatqan sııaqty atmosfera qalyptasqan. Bul – álemdegi eń úlken tik zırattyń ıesi, uly fýtbolshynyń jaqyn dosy, 2018 jyly qaıtys bolǵan Pepe Alstýttyń ıdeıasy. Alstýt mavzoleıdi toǵyzynshy qabatta jasamaqshy bolǵan, «Santýsh» klýbynyń «Vıla Belmıro» stadıonyna qaraıdy dep úmittendi, onda Pele 18 jyl boıy oınady.
Onyń ornyna otbasy Peleni ekinshi qabatqa jerledi, sebebi jankúıerler barýǵa yńǵaıly dep oılastyrdy. Peleniń denesi munda 3 qańtarda, 82 jasynda toq ishek qaterli isiginen qaıtys bolǵannan keıin bes kún ótken soń qoıyldy.
Dúısenbiden jumaǵa deıin kesenege barǵysy keletinder Memorıaldyq zırat saıtynda ýaqytty brondaýy kerek.
Pele 1958, 1962 jáne 1970 jyldary álem kýbogynda Brazılııany chempıon atandyrdy. Ol – úsh ret jeńiske jetken jalǵyz oıynshy.
Aıta ketsek, bıyl Pele FIFA-nyń arnaýly kýbogymen marapattaldy. Halyqaralyq fýtbol federatsııasynyń arnaýly kýbogyn aty ańyzǵa aınalǵan fýtbolshynyń jubaıy Marsııa Aokıge Ronaldo tabystady.
Sondaı-aq, Edson Arantıs dý Nasımentýdiń (Pele) esimi portýgal tilindegi Michaelis sózdiginiń tsıfrlyq nusqasyna engizildi.
