Brazılııada ótetin Olımpıada-2016 tumarlarynyń tusaýy kesildi
ASTANA. QazAqparat - 2016 jyly Rıo-de-Janeıroda ótetin jazǵy Olımpıada oıyndarynyń qos tumary tanystyryldy.
Olar Brazılııada ósetin ósimdikter men aımaqta mekendeıtin janýarlardyń elementterinen quralǵan. Bireýi - sary tústi meshin men totyqus jáne mysyqqa uqsas janýar. Al ekinshisi - adam tektes gúl men aǵashtyń qosyndysy. Tumarlardyń ázirge ataýy joq. Ony jergilikti turǵyndar daýys berý arqyly tańdaıdy. 2009 jyly Olımpıada qojaıynyn anyqtaý kezinde Rıo-de-Janeıro Madrıd, Tokıo jáne Chıkago qalalaryn artqa tastaǵan bolatyn.
Dúbirli doda 2016 jyly tamyzdyń 5-i men 21-i aralyǵynda ótedi, dep jazady 24.kz.
