Brazılııada nóser jańbyrdan keıingi sý tasqynynan 36 adam mert boldy
RIO-DE-JANEIRO. TASS – QazAqparat – Brazılııanyń San-Paýlý shtatynda tolassyz jaýǵan nóserden 36 adam mert boldy. Bul týraly jeksenbide G1 portaly shtat úkimetine silteme jasap málim etti, dep habarlaıdy QazAqparat TASS-qa silteme jasap.
Buǵan deıin 24 adamnyń qaza tapqany habarlanǵan edi.
Ótken táýlikte óńirde aılyq jaýyn-shashyn mólsheri jaýǵan.
Qatty zardap shekken San-Sebastıan jáne Bertıogada bul kórsetkish rekordtyq 627 jáne 683 mm jetken.
Tabıǵı apattan kóptegen sý tasqyny men kóshkin bolyp, turǵyn úıler men ınfraqurylym nysandary qıraǵan.
San-Paýlý shtatynyń astanasyn jaǵalaý mańyndaǵy aýdandarmen jáne kórshi Rıo-de-Janeıromen baılanystyratyn iri trassalarda jol qozǵalysy úzildi.
Jergilikti bıliktiń málimetinshe, úıindi astynan ondaǵan adam tabylyp jatyr.
Bes mýnıtsıpalıtette TJ rejımi jarııalandy. Kóptegen aýdandarda sý jáne elektr joq, uıaly baılanys jumys istemeıdi. Qutqarýǵa júzden astam qutqarýshy tartyldy.
Osyǵan baılanysty jergilikti bılik karnaval merekeleýge arnalǵan oıyn-saýyq sharalaryn toqtatty.
El prezıdenti Lýıs Inasıý Lýla da Sılva tabıǵı apat saldaryn joıýǵa kómek kórsetýge ýáde etti. Memleket basshysy demalysyn toqtatyp, dúısenbide zardap shekken aýdanǵa barady.
Foto: trend.az
