Brazılııada nóser jańbyr bógetti buzyp ketti, turǵyndar evakýatsııalanyp jatyr
NUR-SULTAN. QazAqparat - Brazılııanyń soltústik shyǵysyndaǵy Baııa shtatynda tolassyz jaýǵan nóser saldarynan Rıý-dı-Peıshı ózenindegi bógettiń edáýir bóligin buzyldy, dep habarlady beısenbi kúni Globo telearnasy jergilikti bılikke silteme jasap.
Sý basqan aımaqta 300-deı adam turyp tirshilik keship jatqan.
Oqys oqıǵaǵa baılanysty Koronel-Jýan-Sa qalasynyń basshylyǵy bes mektepte ýaqytsha turaqtaıtyn oryn ashty. Qutqarýshylar men áskerıler halyqty evakýatsııalap jatyr. Osy aýmaqtaǵy eldi mekenderdiń arasyndaǵy jol qatynasy úzildi. Bul qutqarý qyzmetiniń jumysyna qıyndyq keltirýde.
Aıta ketsek, 25 qańtarda brazılııalyq Brýmadınıý mýnıtsıpalıtetinde (Mınas-Jeraıs shtaty) Vale taý-ken óndirisi kásipornyna qaraıtyn bóget buzylyp, ondaǵy kúlli metallýrgııa óndirisiniń qaldyqtary tómen aqqan edi. Apat saldarynan 240 adam ajal qaza taýyp, 20-dan astamy iz-túzsiz joǵalǵan.
